12

വ​ട​ക്ക​ഞ്ചേ​രി: പ​ഞ്ചാ​യ​ത്തി​ന്‍റെ അ​ധീ​ന​ത​യി​ലു​ള്ള വ​ട​ക്ക​ഞ്ചേ​രി ബ​സ് സ്റ്റാ​ൻ​ഡി​ൽ വ​ള​ച്ചു​കെ​ട്ട​ലും വേ​ലി​യും. സ്റ്റാ​ൻ​ഡി​ൽ വാ​ഹ​ന​ങ്ങ​ൾ നി​ർ​ത്തി​യി​ടു​ന്ന​വ​രാ​ണ് അ​വ​രു​ടെ സൗ​ക​ര്യ​ങ്ങ​ൾ​ക്ക് പൊ​തു​സ്ഥ​ലം കെ​ട്ടി​ത്തി​രി​ച്ചി​ട്ടു​ള്ള​ത്.
സ്റ്റാ​ൻ​ഡി​ന്‍റെ മു​ൻ​ഭാ​ഗം ക​ല്ലും ബാ​രി​ക്കേ​ടു​ക​ളും ക​യ​റും ഉ​പ​യോ​ഗി​ച്ച് വേ​ലി പോ​ലെ സ്ഥാ​പി​ച്ചി​രി​ക്കു​ക​യാ​ണ്. ബ​സു​ക​ൾ നി​ൽ​ക്കേ​ണ്ട സ്റ്റാ​ൻ​ഡി​ൽ വാ​ട​ക​യ്ക്ക് ഓ​ടു​ന്ന വാ​ഹ​ന​ങ്ങ​ളാ​ണ് നി​ർ​ത്തി​യി​ടു​ന്ന​ത്.

കാ​ല​ങ്ങ​ളാ​യി തു​ട​രു​ന്ന സ്ഥി​തി​യാ​ണി​ത്. മാ​റി​വ​രു​ന്ന പ​ഞ്ചാ​യ​ത്ത് ഭ​ര​ണ​നേ​തൃ​ത്വ​ങ്ങ​ളും ഇ​തി​നു​പ​രി​ഹാ​രം കാ​ണു​ന്നു​മി​ല്ല. ബ​സു​ക​ൾ​ക്കോ സ്റ്റാ​ൻ​ഡി​ലെ ക​ട​ക​ളി​ലേ​ക്ക് വ​രു​ന്ന​വ​രു​ടെ വാ​ഹ​ന​ങ്ങ​ൾ നി​ർ​ത്തു​ന്ന​തി​നോ സ്റ്റാ​ൻ​ഡി​ൽ ഇ​ട​മി​ല്ലാ​ത്ത​വി​ധ​മാ​ണ് പൊ​ന്നുംവി​ല​യു​ള്ള വ​ലി​യൊ​രു സ്ഥ​ലം കു​റ​ച്ചു​പേ​രു​ടെ സൗ​ക​ര്യ​ങ്ങ​ൾ​ക്കാ​യി മാ​റ്റി​വ​യ്ക്കേ​ണ്ടി വ​രു​ന്ന​ത്.

ഫോ​ണി​ലൂ​ടെ​യും ട്രാ​വ​ൽ ഗ്രൂ​പ്പു​ക​ൾ വ​ഴി​യാ​ണ് ഇ​പ്പോ​ൾ ടാ​ക്സി വാ​ഹ​ന​ങ്ങ​ൾ ആ​ളു​ക​ൾ വി​ളി​ക്കു​ന്ന​ത്. അ​തി​ന് പ​ഞ്ചാ​യ​ത്തി​ന്‍റെ പ്ര​ധാ​ന സ്ഥ​ലം​ത​ന്നെ മാ​റ്റി​വ​യ്ക്ക​ണോ എ​ന്ന ചോ​ദ്യ​ങ്ങ​ളും ഉ​യ​രു​ന്നു​ണ്ട്. 

കൃ​ഷി​ഭ​വ​ൻ, സ​പ്ലൈ​കോ സ്റ്റാ​ൾ, മ​ല​ഞ്ച​ര​ക്ക് ക​ട​ക​ൾ എ​ന്നി​വ​ക്കു പു​റ​മെ നി​ര​വ​ധി സ്വ​കാ​ര്യ വി​ദ്യാ​ഭ്യാ​സ സ്ഥാ​പ​ന​ങ്ങ​ളും സ്റ്റാ​ൻ​ഡി​ലെ കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്നു​ണ്ട്.

ഇ​വി​ടേ​ക്കെ​ല്ലാം വ​രു​ന്ന​വ​രു​ടെ വാ​ഹ​ന​ങ്ങ​ൾ ദൂ​രെ എ​വി​ടെ​യെ​ങ്കി​ലും നി​ർ​ത്തി​വേ​ണം കാ​ര്യം ന​ട​ത്താ​ൻ. സ്കൂ​ൾ ട്രി​പ്പു​ക​ൾ പോ​കു​ന്ന വാ​ഹ​ന​ങ്ങ​ളും ഇ​വി​ടെ നി​ർ​ത്തി​യി​ടു​ന്ന​താ​യി പ​റ​യു​ന്നു​ണ്ട്. ടാ​ക്സി വാ​ഹ​ന​ങ്ങ​ൾ​ക്ക് മ​റ്റൊ​രു സ്ഥ​ലം ക​ണ്ടെ​ത്തി സ്റ്റാ​ൻ​ഡി​ൽ ബ​സു​ക​ൾ​ക്കും യാ​ത്ര​ക്കാ​ർ​ക്കും സൗ​ക​ര്യം ഒ​രു​ക്ക​ണ​മെ​ന്നാ​ണ് ആ​വ​ശ്യം. അ​ന​ധി​കൃ​ത​മാ​യി സ്ഥാ​പി​ച്ചി​ട്ടു​ള്ള വേ​ലി മാ​റ്റ​ണ​മെ​ന്നാ​വ​ശ്യ​പ്പെ​ട്ടി​ട്ടു​ണ്ടെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് സി. ​പ്ര​സാ​ദ് പ​റ​ഞ്ഞു.